Ұлыбританияда 16 жасқа толмағандарға Snapchat, TikTok, YouTube, Instagram, Facebook және X сияқты платформаларға кіруге болмайды, деп хабарлайды Kazinform.

DW агенттігінің мәліметінше, тыйым 2027 жылдың көктемінде күшіне енеді деп жоспарланған. Бұл туралы елдің премьер-министрі Кир Стармер X әлеуметтік медиа платформасында мәлімдеген. 

—    Бүгінгі балалар технологиялар өмірінің барлық саласына еніп жатқан әлемде өз орнын табуға мәжбүр. Мен бұған енді жол бере алмаймын. Сондықтан біз балаларға балалық шағын қайтарып береміз, - деп жазды үкімет басшысы.

Тиісті шаралар Рождество мерекесіне дейін парламент қарауына ұсынылады деп жоспарланған. Заң ережелері 2027 жылдың көктемінде күшіне енуі мүмкін.

Дегенмен мессенджерлерге тыйым салынбайды. Үкімет бұл мәселеде Australia қолданған үлгіні енгізуді жоспарлап отыр. Тыйым Snapchat, TikTok, YouTube, Instagram, Facebook және X сияқты платформаларға қатысты болады. Ал WhatsApp пен Signal секілді мессенджерлерге шектеу қойылмайды.

Сондай-ақ билік өкілдері 18 жасқа толмағандарға әлеуметтік желілерді түнгі уақытта пайдалануға тыйым салу және лентаны шексіз айналдыруға (скроллингке) шектеу енгізу мүмкіндігін қарастырып жатыр. Бұл жөнінде толық ақпарат шілде айында жарияланады.

Бұдан бөлек, романтикалық қарым-қатынас қызметтерін ұсынатын немесе пайдаланушылармен қарым-қатынасты, рөлдік ойындарды имитациялайтын жасанды интеллект чат-боттары тек 18 жастан асқан азаматтарға қолжетімді болады. Жалпы, интимдік сипаттағы функциялар кез келген ЖИ негізіндегі чат-боттарда 18 жасқа толмағандар үшін шектелмек.