Кәсіпкер мемлекеттік сатып алу бойынша міндеттемелерді толықтай орындаған, алайда кәсіпорын төлем жасамаған, деп хабарлайды @Pavlodarnews.kz.

Облыстық сыбайлас жемқорлыққа қарсы қызметтің араласуынан кейін «Ақсу су арнасы» өзінің қателігін мойындап, бизнесменге ақша төледі. Кәсіпорынның бухгалтері тәртіптік жауапкершілікке тартылып, ескерту берілді. 

Сыбайлас жемқорлыққа қарсы іс-қимыл агенттігінде кәсіпкерлер сыбайлас жемқорлық көріністерімен, әкімшілік кедергілермен бетпе-бет келсе, өңірдің сыбайлас жемқорлыққа қарсы қызметінің жедел желісі - 8 (7182) 37-85-86 телефоны арқылы хабарласуға болатынын еске салды.