Әзірге мұндай құрылғылар бейнебақылау жүйесіне «Ертіс орманы» мемлекеттік орман табиғи резерватында ғана қосылған, деп хабарлайды @Pavlodarnews.kz тілшісі.

Қорықта орман өрттерін анықтауға арналған 23 бейнекамера бар. Құрылғылар тәулік бойы автоматты режимде жұмыс істейді.

–   Олар бастапқы кезеңде өрт ошақтарын анықтайды, – деп түсіндірді облыстық төтенше жағдайлар департаменті бастығының орынбасары Қайрат Шаймерденов.

Оның айтуынша, бұл камералардағы ақпаратты Төтенше жағдайлар министрлігі мен орман шаруашылығы басқармасының қызметкерлері көреді. Кезекшілер де камералардың көмегімен «Ертіс орманының» бүкіл аумағын тәулік бойы бақылап отырады.

Жүйе түтіннің қай жерде және қай аумақта пайда болғанын тіркеп, өртке алғашқы сәтте жедел әрекет етуге мүмкіндік береді.

Өткен жылы мұндай камера Шарбақты ауданында іске қосылды. Бірнеше бала ормандағы қоқыстарды өртеп жатқан сәтте камера түтінді «сезіп», сигнал берген.

–   Дәл осындай өртті ерте анықтау жүйесін Баянауыл өңірінде орнату жоспарлануда, – деді Қайрат Шаймерденов. — Жобаны Қазақстан Республикасы Экология және табиғи ресурстар министрлігінің Орман шаруашылығы және жануарлар дүниесі комитеті қаржыландырады.

Басқарма басшысының орынбасары жақында Баянауыл ауданында болған өрттің шығуына ұшқынның құрғақ шөпке түсуі себеп болғанын және одан әрі өрт орманды аумаққа тарағанын айтады.

–   Сол күні желдің күші секундына 30 метрге жетті. Өрт  жоғары жақтағы емес, жалындаған жердегі от болды. Тергеу әлі жалғасуда, – деді Қайрат Шаймерденов.

Өрттің шығу себептерінен басқа, мемлекеттік органдардың жедел әрекет ету және жалынды сөндіру сәтінде өзара әрекеттесу кезіндегі жаңа әрекет алгоритмі бұзылғанын анықтау қажет.

Премьер-министр Олжас Бектенов Павлодар мен Абай облыстарындағы табиғи өрттерді тексеруді тапсырды.

–   Орман шаруашылығы органдары мемлекеттік орман қоры аумағындағы өрттерді жоюға және сөндіруге жауапты, – деп түсіндірді Қайрат Шаймерденов.

Естеріңізге сала кетейік, Шарбақты ауданында өрт сөндіру бекеті құрылады. Облыста мұндай 70-тен астам бекет бар. Айдың басынан бері өрт сөндірушілер бау-бақша бірлестіктеріне 27 рет барған. Өрт салдарынан 390 саяжай зардап шекті.