Соның нәтижесінде жазатайым оқиғаның себептері анықталады, деп хабарлайды @Pavlodarnews.kz.

Облыстық полиция департаменті баспасөз қызметінің мәліметінше, еңбек қауіпсіздігі ережелерін бұзу салдарынан тепловоз машинисінің қаза болу фактісі бойынша полиция алдын ала тергеу амалдарын бастады. Оқиғаның мән-жайы мен себептері тергеу барысында анықталатын болады.

Еске сала кетейік, «Гамма Сарыкөл» ЖШС-нің тұйық жолына апаратын кірме теміржолда көмір тиелген жартылай вагон рельстен шығып кеткен. Қалпына келтіру жұмыстары кезінде кранның тросы үзіліп, одан ұшып кеткен ілмек 1958 жылы туған тепловоз машинисін соғып, оның оқиға орнында қаза болуына себеп болған. Еңбек инспекциясы тарапынан арнайы тергеу жүргізілуде.