Олар тыйым салынған жерде шомылған, деп хабарлайды @Pavlodarnews.kz.

Облыстық полиция департаменті баспасөз қызметінің мәліметінше, Екібастұз қаласының тәртіп сақшылары рұқсат етілмеген Солнечный кентінің Шандықсор жасанды су айдынында шомылған ауыл тұрғындарын әкімшілік жауапкершілікке тартты. Бұл ретте су айдынында ескерту белгілері орналасқан.

– Тыйым салынған және демалу үшін қауіпті жерлерде шомылу судағы оқиғалардың себептерінің бірі болып қала береді. Суда мінез-құлық ережелерін бұзу, оның ішінде тыйым салынған аймақтарда шомылу тек әкімшілік жауапкершілікке ғана емес, сонымен қатар азаматтардың өмірі мен денсаулығына елеулі қауіп төндіреді, – деді департаментте. 

Полиция қайғылы оқиғаларды болдырмау үшін демалушыларды су объектілерінде белгіленген ережелер мен қауіпсіздік белгілерін сақтауға шақырады.