ҚР Премьер-Министрінің бірінші орынбасары Екібастұздың әлеуметтік нысандарына барды, деп хабарлайды  @Pavlodarnews.kz

ҚР Премьер-Министрінің бірінші орынбасары Роман Скляр №7 және 11 мектептерде батареялар мен жылумен жабдықтау жүйесінің жұмысын тексерді. Қазір қаланың барлық мектептері онлайн режимінде оқиды.

Екібастұз қалалық білім бөлімінің басшысы Лаура Дисюпованың айтуынша, жағдай біртіндеп тұрақталып келеді: ЖЭО-да шығыс температура 70 градусты құрағанда №11 мектепте 18-20 градусқа дейін жылынады.

Роман Скляр бірқатар үйлердің, балабақшалар мен мектептердің тиісті деңгейде жылынбау мәселесі  бірнеше жыл бұрын, тіпті ЖЭО қалыпты жұмыс істеген кезде де болғанын және ЖЭО-дағы қазіргі параметрлермен де жұмысты реттеуге болатындығын атап өтті. 

Екібастұз қаласының әкімі Аян Бейсекин ҚР премьер-министрінің бірінші орынбасары барлық проблемалы үйлер мен әлеуметтік нысандар бойынша тиісті дайындық жұмыстары жүргізілгенін жеткізді: желілер сапалы жуылып, нығыздау жұмыстары атқарылған. Оның айтуынша, 65-70 градус температурада мектептердегі температуралық режимді санитарлық нормаларға келтіру үшін 2-3 күн қажет.

Роман Скляр келесі аптаның басында барлық оқу орындарын дайындауды және дүйсенбіден бастап балаларды мектептерде офлайн форматта оқытуды тапсырды.

Айта кетейік, ЖЭО-да температуралық параметрлердің  төмендігіне байланысты кеншілер қаласының мектептері қашықтықтан оқыту режиміне ауыстырылған болатын.