Екібастұзда пәтерден өрт шықты
Тілсіз жаудың шығуына электр тоғының қысқа тұйықталуы себеп болған, деп хабарлайды @Pavlodarnews.kz.
Бұл туралы Екібастұз қаласы төтенше жағдайлар басқармасы мәлімдеді.
- Өрт туралы хабарлама 30 қыркүйекте сағат 16:08-де түсті. Өрт сөндірушілер оқиға орнына барғанда М.Жүсіп көшесі, 28 көпқабатты үйдегі екі бөлмелі пәтерден өрт шыққаны анықталды. Жалын 20 шаршы метр алаңды шарпыған. Онда жиһаз және үй заттары жанды, - делінген хабарламада.
Өрт 16:31-де жойылды.
