ТЖД күшімен алты адам, оның ішінде үш бала құтқарылды, деп хабарлайды @Pavlodarnews.kz тілшісі.

Облыстық ТЖД баспасөз қызметінің мәліметінше, М. Жүсіп көшесіндегі бес қабатты үйде шыққан өрт туралы хабарлама түскен.

–   Шақыруға өрт сөндірушілер дереу шығып, 15 шаршы метр алаңда үшінші қабаттағы пәтерде өртті сөндіруге кірісті, – делінген хабарламада.

Төтеншеліктер автокөлік сатысы бойынша үш адамды және «RespiHood» құтқару қалпақтарының көмегімен баспалдақ маршымен үш адамды құтқарды. Оның ішінде үшеуі – бала.

Пәтер иесін дәрігерлік тексеруден өткізу үшін ауруханаға жеткізді.

Тілсіз жау сағат 11:08-де сөндірілді. Сөндіруге төтеншеліктердің жеке құрамынан 15 қызметкер мен бес техника жұмылдырылды.