Көктемгі орманды қалпына келтіру жұмыстарына дайындықтың алғашқы кезеңі басталды, деп хабарлайды @Pavlodarnews.kz тілшісі.

Табиғи резерваттың орманшылары орман көшеттерін сақтау үшін қолайлы жағдай жасау – орманды молайтудың маңызды шарттарының бірі екенін айтады. 

–  Қазіргі уақытта ауа райының қолайлылығы мен қар қорының жеткілікті болуына байланысты орманшылар көшеттерді сақтау үшін қарды үлкен үйінділерге үйіп жатыр. Бұл әдіс олардың мерзімінен бұрын өсуін тоқтатып, кеуіп қалмауына көмектеседі, – деді резерватта. 

2025 жылы резерват аумағында орманды қалпына келтіру жұмыстары 2114,5 гектар аумақта жоспарлануда: көктемде – 1614,5 гектар, күзде – 500,0 гектар. 

Көшеттерді сақтау мақсатында  90 қар үйіндісі (табиғи тоңазытқыштар) жасалмақ.