Балалар музыкалық ұжымдары ауқымды концерт ұйымдастырды, деп хабарлайды @Pavlodarnews.kz тілшісі. 

Халықаралық балаларды қорғау күніне орай Павлодар «Ertis Promenade» алаңының бас сахнасында 16 балалар шығармашылық ұжымы өз өнерлерін көрсетті. 

Фестиваль «Ұлы дала күмбірі» жобасымен ашылды: төрт жүз домбырашы «Жастар биі» мен «Нәр ағашы» күйлерін орындап, тыңдармандарын ата-баба тарихына қанықтырды. Бұл «Біртұтас тәрбие» бағдарламасы аясындағы алғашқы чек-пойнт. 

Мереке күні Катаев атындағы Оқушылар сарайының «Тұмар» эстрадалық вокалдық студиясы «Павлодар облысы балаларының әнұраны» атты жаңа әнін ұсынуды ұйғарды. 

Павлодарлық балалар 35 нөмірді орындады, бірақ «Балдәурен» әнімен Оқушылар сарайының барлық музыкалық ұжымдарының хоры тыңдармандардың естерінде ерекше орын алды. 

Сондай-ақ сахнада «Свет звезда» ән театрының бүлдіршіндері 4-сыныптың өзін-өзі тану оқулығына жақында ғана еніп, жақсылықтың әнұранына айналған әйгілі ресейлік әнші Шураның «Твори Добро» туындысын шырқады.

Жас таланттар әннен бөлек, өз қаласына, халқына билерін арнады. 

Балаларды қорғау күніне орай қала жағалауында тұрғындар қолөнер бұйымдарының жәрмеңкесін ұйымдастырған. Ал балаларды сахна жанында аниматорлар тамашалады.

Фото: автор