Әзірше клуб өкілдері ешбір ресми ақпарат берген жоқ, деп хабарлайды @Pavlodarnews.kz тілшісі.

2023 жылдың соңына қарай БАҚ өкілдері «Ертіс» футбол клубының тұңғыш жаттығуына шақырылған еді. Соңғысы 2020 жылдың мамыр айында команданың Премьер-лигадан шеттетілген кезге дейін өткен болатын. Алайда 25 желтоқсанға жоспарланған ашық жаттығу ұйымдастырылған жоқ.

Содан бері клуб өкілдері тарапынан ешқандай ресми ақпарат тараған жоқ. Әзірше клуб директорлығына Павлодар облысының тумасы Ермек Ермекбаев тағайындалғаны белгілі. Оған қоса, клуб биыл ел чемпионатының Екінші лигасында ойнау үшін лицензиялаудан өтіп жатқаны мәлім. 

Әртүрлі ақпарат көздері команданың бас бапкері лауазымына павлодарлық жаттықтырушы Сергей Якушин бекітілгенін жазады. Ол «Мақтаарал», «Рузаевка» және Кипрдің «Красавасында» жұмыс істеген. Оның көмекшісі ретінде Виталий Чурсин тағайындалған.

Қайта жаңғырған «Ертісте» жергілікті футбол мектебінің түлектері ойнайды деп жоспарлануда. 

Естеріңізде болса, облыстық футбол федерациясының мәлімдеуінше, «Ертіс» тарихы сақталатын болып шешілді. Демек, клубтың чемпиондық атақтары мен атақ-даңқы жоғалмайды.

2023 жылғы чемпионат нәтижесінде Премьер-лигадан шығып қалған «Ақсу» болса, аттас қалаға көшіріліп, жарысты Бірінші лигада жалғастырады.