Ол ауруханаға жеткізілді, деп хабарлайды @Pavlodarnews.kz тілшісі.

Демалыс күндері Майқайыңның жанында көкпар ойыны өткен. Май ауданы мен Жаңатілек ауылдарының командалары арасындағы кездесуде Май ауданы командасының ойыншысы жылқының тізгініне ие бола алмай қалған. Салдарынан жылқы сүрініп, шабандозын лақтырып, қағып кеткен.

Оқиға орнында кезекші жедел жәрдем бригадасы 34 жастағы ер адамға медициналық көмек көрсетті.

– Ер адам мұрнын сындырған, жабық бассүйек-ми жарақаты және миының шайқалуы күдігі қойылған, – деп хабарлады жедел жәрдем станциясында.

Зардап шегуші Майқайың ауылдық округінің ауруханасына жеткізілді.