Кездесу энергетикалық бастамалар туралы халықты ақпараттандыру үшін өткізілді, деп хабарлайды  @Pavlodarnews.kz тілшісі.

Бүгін Халық штабының жұмыс тобы Май ауданында болып, жергілікті тұрғындармен және еңбек ұжымдарымен бірқатар кездесулер өткізді. Топ құрамына Темірболат Қасен, Салтанат Әубәкірова және Саят Елгонденов кірді. 

Алғашқы кездесу Көктөбе ауылындағы аудандық оқушылар үйінің ұжымымен өтті. Халық штабының өкілдері алдағы референдумның маңыздылығы және Қазақстанда атом электр станциясын салу жобасы туралы егжей-тегжейлі айтып, елдің энергетикалық тәуелсіздігінің маңыздылығына назар аударды. 

Сонымен қатар, Майтүбек ауылында «Канвассинг» акциясы өтті. Осы сапарлар барысында штаб өкілдері азаматтармен АЭС жобасына қатысты өзекті мәселелерді жеке талқылады, туындаған сұрақтарға жауап берді және алдағы референдумның негізгі аспектілерін түсіндірді. 

Бұл кездесулер Қазақстанның болашақтағы дамуына бағытталған саяси және энергетикалық бастамалар туралы халықты ақпараттандырудың маңызды бөлігіне айналды.