ҚР Орталық референдум комиссиясының Төрағасы Нұрлан Әбдіров өңірде жұмыс сапарымен жүр, деп хабарлайды @Pavlodarnews.kz тілшісі.

Достық үйінде мемлекеттік органдар өкілдерімен алдағы референдумға дайындық және өткізу мәселелері бойынша кездесу өтті.

Нұрлан Әбдіров сондай-ақ аумақтық сайлау комиссиясының және референдум учаскелерінің жұмысын тексерді. Олардың бірі ақпараттық технологиялар колледжінде орналасқан. №23 референдум учаскесінде Павлодар тұрғындарының, әсіресе мүмкіндігі шектеулі жандардың еркін кедергісіз дауыс беруі үшін барлық жағдайлар жасалған.

- Бұл  – жақсы жоба. Бүгінде республикада мұндай учаскелер екеу ғана: Павлодар және Ақтөбе облыстарында. Негізінен, бұл – кедергісіз орта жасауға баса назар аудара отырып жабдықталған үлгілі сайлау учаскесі. Біз бұл жобаны кеңейтуіміз керек, - деді Нұрлан Әбдіров Достық үйінде.

ОРК төрағасы сондай-ақ қауіпсіздік және азаматтардың сайлау құқықтары мен жеке деректерін қорғау мәселелерін де қозғады. Ол Оңтүстік Кореядағы сайлау тәжірибесін мысалға келтірді, онда сайлау учаскелерінде бейнебақылау камералары барда оларды сөндіруге міндетті. Нұрлан Әбдіров Қазақстанда да осындай қадам жасау қажеттілігін атап өтті.

Облыстық прокурор Алмат Байшолақов заңның сақталуы мәселесіне тоқталды. Ол 28 ақпандағы жағдай бойынша прокуратура қызметкерлері тәулік бойы кезекшілікте болғанын атап өтті.

- Референдум кезеңінде өтініштерді қарау үшін облыстық прокуратурада күнделікті азаматтарды қабылдау ұйымдастырылды. Сайлау кезеңінде БАҚ пен әлеуметтік желілерді бақылау күшейтілді. Шамамен 80 басылым анықталды, авторлармен полициямен бірлесіп тиісті алдын алу әңгімелері жүргізілді. Басылымдар алынып тасталды, ал екі автор әкімшілік жауапкершілікке тартылды, - деп хабарлады прокурор.

Полиция қызметкерлері күшейтілген қызметке ертерек көшкен болатын. Облыстық полиция департаментінің бастығы Василий Склярдың айтуынша, жеке құрам 19 ақпаннан бері осы режимде жұмыс істеп келеді.

Сайлау күні жаяу және көлікпен патрульдеу күшейтіледі, әскери қызметкерлерді қоса алғанда, қосымша полиция қызметкерлері жіберіледі. Полиция, ұлттық қауіпсіздік комитеті, прокуратура және әкімдік өкілдерінен тұратын аймақтық арнайы топ ықтимал төтенше жағдайлар мен елеулі қоғамдық тәртіпсіздіктерге жедел әрекет ету үшін жіберіледі.

Павлодар облысында 535 сайлау комиссиясы құрылды: бір облыстық, 14 аудандық және қалалық және 521 учаскелік комиссия. Сайлау учаскелері сайлау күні таңғы сағат 7:00-ден кешкі сағат 8:00-ге дейін жұмыс істейді.

ҚР жаңа Конституциясын қабылдау бойынша республикалық референдум 15 наурызда өтеді.