Жалпы еліміз бойынша кондитерлік өнімдер 12%-ға, өзге де кондитерлік өнімдер 14%-ға қымбаттады, деп хабарлайды @Pavlodarnews.kz.

Energyprom.kz сарапшыларының ақпарат бойынша кейбір аймақтарда бағаның өсуі айтарлықтай байқалады. Өңірлік бөліністе кондитерлік өнімдер Батыс Қазақстан облысында бір жылда 18,5%-ға өскен. Ақтөбе және Маңғыстау облыстары да антилидерлердің үштігіне енді. Сектордағы бағаның ең аз жылдық өсуі Шығыс Қазақстан облысында тіркелді: 7%.

Тоқаш және ұн өнімдері Атырау облысында 30%-ға қымбаттады, бағаның жылдық ең төмен өсуі Алматы облысында тіркелді: 2,6%.

Павлодар облысында кондитерлік өнімдер мен тоқаштардың құны 13 пайызға көтерілді. 

Елде кондитерлік өнімдер арасында карамель, нан және ұннан жасалған тәтті өнімдер арасында вафли қымбаттаған.