Биыл қаңтарда жиһаз және тұрмыстық заттар бір жылда 11,8% қымбаттады, деп хабарлайды @Pavlodarnews.kz.

Energyprom.kz сарапшыларының мәліметінше, өңірлер бойынша жиһаз және тұрмыстық заттар бағасының өсуін Ақмола, Алматы және Қарағанды облыстарының тұрғындары қатты сезінді. 

– Бағаның ең аз жылдық өсімі Жамбыл –2,1%, Павлодар – 3,1% және Ақтөбе –3,4% облыстарында байқалды,– дейді сарапшылар. 

Өңірлер бойынша ең көп жиһаз дәстүрлі түрде Алматыда шығарылды: 22,8 млрд теңге. Металл қаңқасы бар отыратын жиһаз өндірісі 87,7 мың өнімге жетті, бұл бір жыл бұрынғыдан 22,3% артық. Ағаш кеңсе жиһазының өндірісі 14,4%, 15,1 мың бұйымға, ас үй жиһазы – 40,3%, 9,1 мың бұйымға, төсек пен шкафтан басқа ағаштан жасалған жатын жиһазы– 44,1%, 3,2 мың бұйымға дейін өсті.