2018 жылдан бері Павлодар облысының «Діл-Нар-Ай» ШҚ сотта өзінің кінәсіздігін дәлелдеуге тырысуда, деп хабарлайды @Pavlodarnews.kz тілшісі.

Павлодар облысының кәсіпкерлер палатасының мәліметінше, «Діл-Нар-Ай» ШҚ осыдан төрт жыл бұрын «Сыбаға» мемлекеттік бағдарламасы бойынша 46,8 млн теңге несие алған.

–    Кейін Павлодар облысының ауыл шаруашылығы басқармасы Қазақстанға Ресейден мал әкелетін жеткізуші М.-ді ұсынды. Онымен келіскен павлодарлық шаруашылық Кемерово облысына  малды қарауға аттанды. 2019 жылдың наурыз айында карантиннен кейін сол М. Ресейден сол малдарды барлық құжаттарымен әкеледі. «Діл-Нар-Ай» ШҚ онымен есептескен, – деді кәсіпкерлер палатасында.

Облыстың ауыл шаруашылығы басқармасы мен ветеринария қызметі барлық құжаттарды тексеріп, ірі қараны есепке алып, тіркеген.

Содан кейін «Діл-Нар-Ай» ШҚ асыл тұқымды ірі қара малын өсіруге субсидия алуға өтінім берді. Ауыл шаруашылығы басқармасы шаруашылыққа инвестициялық субсидия төледі: әр сиырға 175 мың теңге, барлығы – 13 млн 150 мың теңге.

–    Бірақ 2020 жылы Баянауыл ауданындағы «Діл-Нар-Ай» шаруа қожалығы мен тағы 4 шаруа қожалығын экономикалық тергеу басқармасына шақырады. Онда олар бір фактіге тап болды: М.-нен  сатып алынған жануарлардың қағаздары жалған болып шықты. Тергеу барысында облыстағы тағы 7 шаруа қожалығы М.-дан мал сатып алғаны анықталды. «Діл-Нар-Ай» шаруа қожалығына мал әкелгенін өзі де растады. Сотта ол кінәлі деп танылды, - деді кәсіпкерлер палатасында.

Содан кейін басқарма алаяқтан мал сатып алған барлық шаруаларға қарсы сотқа жүгініп, субсидияларды қайтаруды талап етті. Дәлел – жалған құжатпен мал жеткізу.

«Діл-Нар-Ай» және «Дастархан» ШҚ сотта жеңілді. Депутаттық корпус өкілдерінің қолдауынан кейін «Дастархан» шаруа қожалығы апелляциялық процесте жеңіске жетіп, несиенің өсімақысына ақша алды. Ал, «Діл-Нар-Ай» апелляциялық шағымда жеңілді.

Енді шаруа қожалығы басқарманың талабы мен пайыздық мөлшерлемесі бойынша мемлекетке 20 миллион теңгеге жуық ақша төлеуі тиіс. Оның мүлкі мен барлық есепшоттары бұғатталған, ал несие тарихы бұзылған. Шоттағы қаражаты мемлекетке қайтарылды.

Қазір «Діл-Нар-Ай» шаруа қожалығы апелляциялық сотқа дайындалып жатыр.

Фото: atameken.kz