9-11 қараша аралығында қорғау заңнамасын сақтау және браконьерлікпен күрес бойынша іс-шаралар өткізілді, деп хабарлайды  @Pavlodarnews.kz тілшісі.

Облыстық орман шаруашылығы және жануарлар дүниесі аумақтық инспекциясының мәліметінше, рейдтің мақсаты – сирек кездесетін және құрып кету қаупі төнген жабайы тұяқты жануарларды – арқарлар мен ақбөкендерді қорғауды күшейту. 

– Мемлекеттік инспекторлар мен «Охотзоопром» өндірістік бірлестігі Павлодар тірек пунктінің инспекторларынан құрылған бірлескен рейдтік топ Баянауыл және Май аудандарында табиғатты қорғау заңнамасын сақтау және браконьерлікпен күрес бойынша іс-шараларды өткізді, – деді инпекцияда. 

Рейд нәтижелері бойынша браконьерлік және табиғатты қорғау заңнамасын бұзу фактілері анықталған жоқ. 

Рейд барысында 15 мыңға жуық ақбөкен мен сегіз арқардан тұратын екі топ кездесті, жануарлардың жағдайы қанағаттанарлық.