Эксперимент аясында енгізілген жаңашылдық толығымен іске қосылады, деп хабарлайды @Pavlodarnews.kz.

Бұл туралы Өңірлік коммуникациялар қызметінде өткен баспасөз конференциясында облыстық полиция департаменті басшысының бірінші орынбасары Жасқайрат Қайыров мәлім етті. 

– Бұған дейін Н.Назарбаев даңғылы мен Толстой көшесінің қиылысында тест режимінде «бағдаршамды тыныштандыру» енгізілген болатын. Бұл әдіс жақсы нәтиже көрсетті. Алдағы уақытта облыста барлық бағдаршамды осы режимге көшіру  жоспарланып отыр, – деді Жасқайрат Қайыров.

Оның сөзінше, «бағдаршамды тыныштандыру» режимі кезінде қиылыстағы қызыл түстің бір уақытта жануы қауіпсіз және кедергісіз бұрылысты орындауды қамтамасыз етеді.