Осылайша, шетелдік жүргізуші куәлігінен айырылды, деп хабарлайды @Pavlodarnews.kz тілшісі.

Облыстық полиция департаментінің баспасөз қызыметінің мәлімдеуінше, бүгінде аймақ бойынша  тиісті қоғамдық тәртіпті сақтау, көшелерде және басқа да қоғамдық орындарда қылмыстардың алдын алу, жолын кесу мақсатында "Құқықтық тәртіп" жедел - алдын алу іс-шарасы өткізілуде. Нәтижесінде полицейлер 1224 құқық бұзушылықты анықтаған. Оның ішінде құқықтық тәртіп сақшылары мас күйінде көлік құралдарын жүргізудің 19 фактісінің жолын кесті. 

- Мысалы, түнгі патрульдеу барысында Тереңкөл ауылында тұруға ықтиярхаты бар Германия азаматының жүргізуімен "Lexus RX 300" маркалы автомашина тоқтатылды. Ол Тереңкөл ауылына қонаққа келіп, медициналық куәландыру нәтижелері бойынша орта дәрежелі мас күйінде көлік құралын жүргізгені анықталды, - деді жергілікті полиция қызметінің бастығы Берік Қаткенов.

Осы факт бойынша ұсталған адамға қатысты ҚР ӘҚБтК-нің 608-бабының 1-бөлігі бойынша әкімшілік іс қозғалды. Аудандық соттың шешімімен құқық бұзушыға 15 тәулікке қамауға алыну және 7 жылға көлік жүргізу құқығынан айыру түріндегі жаза тағайындалды.