Бауыржан Бидаев өзінің батыл әрекеті үшін Қазақстан халқы Ассамблеясының Алғыс хатымен және бағалы сыйлығымен марапатталды, деп хабарлайды @Pavlodarnews.kz тілшісі. 

Еске сала кетейік, полиция майоры Тәжікстанның 60 азаматын құтқарды, оның ішінде 10 бала тас жолда ауа райының қолайсыз жағдайына тап болды. 

– Біздің отандастарымыз автобустың бұзылуына байланысты бірнеше сағат бойы аязда қалып, жолды жалғастыра алмады. Уақыт жетпей тұрған жағдайда Бауыржан табандылық пен кәсібилік танытты. Ол қиындыққа тап болған адамдарға көмектесу үшін жедел шешім қабылдады. Құтқарушылардың келуін күтудің орнына өздігінен әрекет ете бастады, – деді Павлодар облысы тәжік этномәдени орталығының төрағасы Хусейн Гулов.

Ол жолаушыларды жылумен қамтамасыз етіп, оларды уақытша орналастыруды, ыстық шай мен тамақ жеткізді. Бірнеше сағат бойы учаскелік полицей  жағдайды бақылап, апаттық қызметтің іс-қимылын үйлестірді және автобус жөнделгенге дейін және жолаушылар жолды жалғастыра алғанға дейін адамдардың қауіпсіздігін қамтамасыз етті.

– Учаскелік полицейдің жұмысы –  қарапайым қызметтік міндеттерді орындау ғана емес, сонымен қатар азаматтардың қауіпсіздігін күнделікті бақылау. Майордың іс-әрекеті азаматтардың қауіпсіздігі әрқашан бірінші орында тұрғанын еске салады, – деп атап өтті полиция департаментінде. 

Бауыржан Бидаевтың әрекеттері адамдардың өмірін сақтап, қайғылы салдардың алдын алды және жоғары моральдік қасиеттер мен кәсібилікті көрсетті. Марапаттау рәсіміне Тәжік этномәдени орталығының мүшелері шақырылды.