Балалар педагогтар мен ата-аналармен бірге ескі ғимараттар мен өнеркәсіп нысандарын аралады, деп хабарлайды @Pavlodarnews.kz тілшісі.

М.М. Катаев атындағы облыстық оқушылар сарайының «Антарес» астроклубы мен «Биогрин» үйірмесінің тәрбиеленушілері педагогтар Гүлнар Баубекова және Әйгерім Оразбаевамен, сондай-ақ ата-аналармен бірге туған жері Павлодар бойынша ерекше саяхатқа шықты.

– Трамвай бұл күннің символына айналды, ол жай ғана көлік емес, нағыз уақыт машинасы болды! Кәсіби гид Надежда Бектұрғановамен бірге өткен экскурсия барысында балалар таныс көшелерді жаңаша көрді, қаламыздың қалай өсіп, өзгергенін, оның қайнар көзінде қандай адамдар тұрғанын және Павлодарды қандай жаңалықтардың даңққа бөлегенін білді, – деді облыстық оқушылар сарайының баспасөз қызметі.

Ескі ғимараттар мен өңір тарихында маңызды рөл атқарған өнеркәсіптік нысандар ерекше қызығушылық тудырды.

– Жылы атмосфера, жанданған сұрақтар, күлкі мен шынайы эмоциялар саяхатты білім мен шабыттың нағыз мерекесіне айналдырды! Бұл жай ғана сыртқа шыққан сабақ емес, тарих ғылыммен тоғысып, туған жерге деген сүйіспеншілік әркімнің бір бөлігіне айналатын ұрпақтар диалогы болды, – делінген хабарламада.

Облыстық оқушылар сарайы трамвай басқармасының әкімшілігіне, гид Надежда Бектұрғановаға және барлық ата-аналарға қолдау көрсеткені және қатысқаны үшін алғыстарын білдірді.

Фотосуретті М.М. Катаев атындағы облыстық оқушылар сарайының баспасөз қызметі ұсынды