Павлодарда автокөлік трамвайға соғылды
Жол апаты салдарынан зардап шеккендер жоқ, деп хабарлайды @Pavlodarnews.kz тілшісі.
Облыстық полиция департаменті баспасөз қызметінің мәліметінше, 10 наурыз күні сағат 08.35-те Мәшһүр Жүсіп - Шөкин көшелерінің қиылысында «Мазда» көлігі трамвайға соғылған.
Жол-көлік оқиғасы салдарынан зардап шеккендер жоқ. Аталған факті бойынша сараптама тағайындалды. Тексеріс жүргізілуде.
Естеріңізге сала кетейік, 9 наурыз күні «Mercedes Benz 280Е» пен «Mercedes Benz» маркалы екі көлік соғылып, салдарынан тұрғын үйге зақым келтірілді.
