Павлодарда аялдама маңында трамвай өртенді
Оқиғадан қаза болғандар мен зардап шеккендер жоқ, деп хабарлайды @Pavlodarnews.kz тілшісі.
Облыстық төтенше жағдайлар департаментінің мәліметінше, сағат 15:34-те «Нефтяник саяжайы» аялдамасының маңында трамвайдың жанғаны туралы «112» пультіне хабарлама түсті.
– Оқиға орнына өрт сөндірушілер жедел жетіп, сағат 15:53-те жалынды толық сөндірді. Өртті ауыздықтауға шақырту түскен сәттен бастап 19 минут қажет болды, – делінген хабарламада.
Қазіргі уақытта трамвайдағы өрттің шығу себебі анықталып жатыр.
