Павлодарда балалар бассейні жұмысын қайта бастады
Қатты желден кейін қалпына келтіру жұмыстары аяқталды, деп хабарлайды @Pavlodarnews.kz тілшісі.
24 маусымнан бастап бассейн штаттық режимде жұмыс істейді.
Орталық жағалаудағы балалар бассейні 1 маусымнан бастап өз жұмысын бастаған. Биылғы маусымда келушілердің ыңғайлылығын арттыру мақсатында «Бассейн PVL» Telegram-боты іске қосылды. Енді тұрғындар онлайн тіркеліп, бассейнге жылдам әрі кезексіз жазыла алады.
Еске сала кетейік, дауылды жел салдарынан қалалық бассейн 20-22 маусым аралығында жабылған болатын.
