Онда акушер-гинеколог және неонатолог дәрігерлер кеңес береді,  деп хабарлайды @Pavlodarnews.kz тілшісі.

Павлодар облыстық перинаталдық орталығының баспасөз қызметінің мәлімдеуінше, ашық есік күні 27 қазан күні сағат 12:00-ге жоспарланған.  

– Келушілер акушер-гинеколог және неонатолог дәрігерлердің кеңесін ала алады. Ашық есік күні аясында мамандар тұрғындардың сұрақтарына жауап беріп, кәсіби дағдыларымен бөліседі, – делінген хабарламада.

Ұйымдастырушылар тұрғындарды іс-шараға қатысып, білікті мамандардан кеңес алуға шақырады.

Еске сала кетейік, Павлодарда жүкті әйелдер бір күнде толық скринингтен өте алады. Мұндай мүмкіндік орталыққа жаңа құрал-жабдықтардың келуіне байланысты туып отыр.