Павлодарда бір гектар құрғақ шөп жанды
Өрт «Сосновый бор-2» бағбаншылығы жанында тіркелді, деп хабарлайды @Pavlodarnews.kz тілшісі.
Облыстық ТЖД баспасөз қызметінің мәліметінше, оқиға орнына сегіз қызметкер мен екі техника шықты.
– Өрт туралы хабарлама сағат 14.40-та түсті. Қазіргі таңда өрт сөндірушілер жалынмен арпалысуда, – дейді департаментте.
Жалпы көлемі бір гектар аумақта құрғақ шөп өртенген. Сондай-ақ 20 метр аумақта ағаш қоршау және үш ағаш шаруашылық құрылысы жануда.
