Жобаның жүзеге асырылу барысы партиялық органдардың тұрақты бақылауында болады, деп хабарлайды @Pavlodarnews.kz.

«AMANAT» партиясы Павлодар облыстық филиалының төрағасы Асылбек Туғанбай және филиалдың атқарушы хатшысының орынбасары Айнұр Мұхамедьярова партияның өңірлік сайлауалды бағдарламасына енгізілген нысан – облыстық оңалту орталығына мониторинг жүргізді.

Сапар барысында қатысушылар атқарылып жатқан жұмыстардың қазіргі жағдайымен танысты. Бүгінгі таңда нысан бойынша жобалық-сметалық құжаттама әзірленіп, демонтаждау жұмыстары басталды.

Құрылыс жұмыстарымен «MGS Story GROUP» ЖШС мердігер ұйымы айналысады. Мониторингке сондай-ақ партиялық бақылау комиссиясының төрағасы Олег Костенко және облыстық мәслихат депутаттары қатысты.

Мердігердің айтуынша, бекітілген кесте сақталған жағдайда қайта жаңғырту жұмыстары ағымдағы жылдың соңына дейін аяқталады деп жоспарлануда.