ЖКО-да зардап шеккен адам ауруханаға жүгінді, деп хабарлайды @Pavlodarnews.kz.

Облыстық полиция департаменті баспасөз қызметінің мәліметінше, 8 тамызда таңертең алдын ала мәліметтер бойынша JAC автокөлігінің жүргізушісі бағдаршамның тыйым салу сигналына кесіп өтіп, «Ниссан» көлігімен соқтығысып, аударылып кетті. Тексеру жүргізіледі.

Жедел жәрдем бригадасы оқиға орнына жедел түрде жетті. 

– Сағат 6:04-те Сәтбаев-Лермонтов көшелерінің қиылысында жол-көлік оқиғасы орын алғаны туралы хабарлама келіп түсті. Фельдшерлер 60 жастағы әйелді қарап, тексерді. Ол ауруханаға жатқызудан бас тартқан болатын, – деді облыстық жедел жәрдем станциясында. 

Алайда кейін әйел үйіне барғасын «103» нөміріне қоңырау шалды. Оны травматологиялық пунктке жеткізді.