Экспозицияда 20-дан астам акрилмен салынған кескіндемелік туынды ұсынылады, деп хабарлайды @Pavlodarnews.kz.

14 маусымда сағат 16:00-де Н. Нұрмұхаммедов атындағы облыстық көркемсурет музейінде павлодарлық суретші Зура Асылғазинаның «Qainar» атты дербес көрмесінің ашылуы өтеді. 

Зура Асылғазина - Қазақстан Республикасы Суретшілер одағының мүшесі. Ол Абай атындағы ҚазҰПУ көркемсурет факультетін «Кескіндеме» мамандығы бойынша тәмамдады. 2020 жылдан бастап Павлодар өнер колледжінде арнайы пәндер оқытушысы болып жұмыс істейді. 2019 жылы Солтүстік Кипр заманауи өнер мұражайындағы жеке көрмесі үшін «Күміс кілт» иегері атанды. 

Суретші - жыл сайынғы облыстық, республикалық, халықаралық көрмелердің, симпозиумдардың, пленэрлердің, фестивальдердің белсенді қатысушысы.

Көрме 14-30 маусым аралығында жұмыс істейді.