Аталмыш іс-шара халық әншісінің 135 жыл толуына орай ұйымдастырылды, деп хабарлайды @Pavlodarnews.kz тілшісі.

Атақты павлодарлық әнші және композитор Майра Шамсутдинованың туғанына 135 жыл толуына орай Майра Шамсутдинова атындағы ән-көркем шығармашылық мұражайында әндер кеші өтті. Жиында музыкалық колледж- дарынды балаларға арналған музыкалық мектеп-интернаттың оқушылары өнер көрсетті, ал арнайы қонақтар ретінде «Сағым жылдар» әжелер ансамблі, «Белсенді ұзақ өмір сүру орталығы» қатысты.

Сондай-ақ, музей басшысы Ерлан Рахимов көрермендерге танымал тұлғаның өмірі мен шығармашылық жолы туралы баяндады.

– Ертіс өңірі  – Қазақстанның ең көрікті жерлерінің бірі, өзінің әсем табиғатымен және бойында тәрбиеленген таланттарымен танымал. Дәл осы жерде 1890 жылы халық әншісі, композитор Майра Уалиқызы Шамсутдинова дүниеге келді, – дейді қонақтарға Ерлан Рахимов. – Ол көпұлтты отбасында өсті, сауаттылыққа үйренді және сырнайда ерте ойнай бастады. Он үш жасынан бастап керемет есту қабілеті мен дауысы бар әнші ретінде танымал болды. Төмен контральтоға ие болған әнші дауысының кең ауқымы классикалық және халық әндерін айтуға мүмкіндік берді. Майра үлкен өнерге сырнай арқылы танылған болатын. Көптеген әндерін сырнай арқылы ойнап, жарыққа шығарды.

1926 жылы әнші белгілі музыкант және этнограф А. В. Затаевичпен кездесті. Орындауында 13 халық әнін, оның ішінде өзінің жеке шығармасын жазды.

Майра Шамсутдинова атындағы облыстық шығармашылық мұражайының басшысы өңірде талантты әншіні қалай еске алатыны туралы айтып берді. Мәселен, Г. Н. Потанин атындағы Павлодар облыстық тарихи-өлкетану мұражайында Қоянды жәрмеңкесінің панорамасын зерттеуге болады, онда жарқын кейіпкерлердің бірі — Майра Шамсутдинова. Сонымен қатар, талантты жерлес алғашқы қазақ актрисаларының бірі болуымен танымал болғандықтан, оның құрметіне драма театры ашылды.

– Бүгінгі кешіміз Майра Шамсутдинованың ізбасар әншілерімен таныстыру. Алдағы уақытта ай сайын екі-үш рет танымал тұлғамызға арналған кештер ұйымдастырылады. Бүгінгі кейіпкеріміз – сол дәуірдегі әйел теңдігінің символы. Ол заманда сахнаға шығып, ән айту үлкен батылдылықты керек етеді. Қазіргі уақытта да әйел адамдарға өнер жолында жүру – ауыр жүктің бірі. Майра Уәлиқызының өнері — біз үшін баға жетпес қазына және әрине, әрқайсымыз үшін оны дәріптеу міндеті, – дейді басшы.

Музыкалық колледж студенттері халық әншісінің «Толқыма»,  Иса Байзақовтың әндерін орындады.

Сондай-ақ, іс-шара барысында музей басшысы көрермендерге Майра Шамсутдиноваға арналған көрме жайлы әңгімелеп, кешке белсене атсалысқан студенттерге Алғыс хат табыстады.