Оқиға түнде орын алды, деп хабарлайды @Pavlodarnews.kz.

Күн сайын полицияға әртүрлі сипаттағы 300-400-ге жуық хабарлама келіп түседі, олардың арасында жалған хабарламалар да бар.

– Мысалы, түнде, екі сағат аралықпен «102» операторының пультіне дабыл қоңыраулары түсті. Белгісіз ер адам Гагарин көшесі мен Қамзин көшесіндегі үйлердің бірінде жәбірленушілері бар ауыр қылмыстардың болғанын хабарлады. Сонымен бірге ол қылмыстың куәсі болғанын айтты, – деді облыстық полиция департаменті баспасөз қызметінде.

Жедел тергеу тобы дереу аталған мекенжайларға барды, бірақ ер адам да, «қылмыстың» іздері де табылған жоқ. Аумақтарды тексеру және өткізілген іс-шаралар барысында қылмыс туралы ақпарат расталмады. 

– Іс-шараларды өткізу барысында жедел уәкілдер екі жағдайда да қоңырау шалған ер адамды анықтап, полиция бөліміне жеткізді. Алайда, ер адамның жағдайы мен мінез-құлқы полиция қызметкерлеріне күдік туғызды. Ер адам медициналық куәландыруға жіберілді. Дәрігерлердің қорытындысы бойынша ол тиісті мекемеге жатқызылды. Бұдан басқа, ер адамға қатысты арнаулы қызметтерді көрінеу жалған шақырғаны үшін әкімшілік хаттама толтырылды, – деді департаментте.

Айта кету керек, биыл полицияға 146 жалған хабарлама келіп түсті, құқық бұзушылар жауапқа тартылды.

Полиция ескертеді: қылмыстар мен оқиғалар туралы жалған хабарламалар осы уақытта біреудің өмірін сақтап қалуы мүмкін төтенше жағдайлар қызметінің күштері мен ресурстарын алаңдатады. Мұндай әрекеттер үшін әкімшілік жауапкершілік, ал кейбір жағдайларда қылмыстық жауапкершілік қарастырылған.