Жол-көлік оқиғасы Н. Назарбаев даңғылы - Амангелді көшесінің қиылысында орын алған, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше, 3 желтоқсанда ВАЗ-21053 автокөлігінің жүргізушісі солға бұрылған кезде жол қозғалысының қауіпсіздігіне көз жеткізбей, «Вольво» автокөлігімен соқтығысқан. 

– Салдарынан жарақат алған ВАЗ-21053 автокөлігінің жолаушысы ауруханаға жатқызылды, алайда 4 желтоқсанда алған жарақаттарынан қайтыс болды, – дейді департаментте. 

Аталған фактіге қатысты тексеру жүргізіледі. 

Автокөліктер арнайы автотұрақтарға қойылды.