Ол ауруханада көз жұмды, деп хабарлайды @Pavlodarnews.kz тілшісі.

Облыстық жедел жәрдем станциясы баспасөз қызметінің мәліметінше, 4 наурыз күні сағат 19:58-де жол-көлік оқиғасы туралы хабарлама түскен.

«Жедел жәрдем бригадасы екі минуттан кейін оқиға орнында болды. 1979 жылы туған адам бірінші қалалық ауруханаға жеткізілді. Дәрігерлер оған ашық бассүйек-ми жарақаты, кома және травматикалық шок деген диагноз қойды», – делінген хабарламада.

Облыстық денсаулық сақтау басқармасы зардап шеккен адамның өмірге сәйкес келмейтін дене жарақаттарын алғанын хабарлады.