Бүгінде өңірімізде күту парағында 216 адам бар, деп хабарлайды @Pavlodarnews.kz тілшісі.

2015 жылдан бастап Павлодар облысы бойынша 16 донор болды. Орташа алғанда, егер бір донор бес адамның өмірін берсе, 80 адамның өмірін сақтап қалды. 

Қазақстанда қайтыс болғаннан кейін ағзаның ықтимал донорларын анықтайтын 40 донорлық ұйым, сондай-ақ қан орталықтарында донорлар мен реципиенттерді органдардың тіндік үйлесімділігіне және HLA антиденелерін анықтауға сараптама жүргізетін төрт иммунологиялық зертхана жұмыс істейді. 

Республикалық қан орталығының деректеріне сәйкес, қазіргі уақытта күту парағында ағзаларды трансплантациялауға мұқтаж 4117 адам бар. 

Павлодар облысы бойынша трансплантация жөніндегі үйлестірушісі Дмитрий Потеребухтың айтуынша, қазіргі уақытта күту парағында бүйректен 205 ересек және екі бала, бауыр бойынша сегіз ересек адам, жүректен екі ересек адам, өкпеден бір ересек, жалпы алғанда 216 адам бар. 

– Облыс бойынша тіркелген еріктілердің ішінен 6229 адам донорлықтан бас тартқан, 303 адам ғана келісім берді, – дейді спикер.

Оның айтуынша, жыл сайын донорлыққа мұқтаждар саны артып келеді. Сондықтан бұл туралы айту өте маңызды. Біреу шығып, біреу кіреді. Көрсеткіштері өсуде. Елімізде бүйрекке  3700 адам, оның ішінде он бала, облыс бойынша үш бала бүйрекке мұқтаж. 

Сондай-ақ, 2024 жылы аймақта 13 әлеуетті донор анықталса, олардың тек үшеуі ғана нақты донор болды. Екеуінде инфекция анықталды. Өкінішке орай, инфекция – трансплантацияға қарсы көрсеткіш, ал батыста керісінше. Яғни, ол жақта инфекция инфекцияға трансплантацияланады. 

– Донор болу үшін адамда қатерлі және жұқпалы аурулары, қант диабеті және басқа да аурулары, патологиясы жоқ болуы керек, – дейді үйлестіруші.

Статистикаға сәйкес, Қазақстанда донорлық белсенділік 20 миллион халыққа шаққанда 0,2 пайызды құрайды, 89 миллион халқы бар Иранда донорлық белсенділік 20 пайызды құрайды.

2020-2024 жылдар аралығында Қазақстанда 1005 орган ауыстырылды, оның ішінде: бүйрек– 754 (75 пайыз), бауыр –223 (22,2 пайыз), жүрек – 18 (1,8 пайыз), өкпе – 8 (0,8 пайыз).