Байқауға барлығы 15 жұмыс қабылданған, деп хабарлайды  @Pavlodarnews.kz тілшісі.

«New vision team» үкіметтік емес ұйымының жобалық менеджері Жанар Жандәулетованың айтуынша, «Құқықтық және қаржылық сауаттылық» тақырыбында  әлеуметтік желілерде жастар арасында өткен сурет байқауына 14-35 жас аралығындағы жастар қатысқан. 

– Жұмыстар төрт критерий бойынша бағаланды: жұмыстың көркемдік тұрғыдан сапасы мен кәсібилігі, авторлық тәсілдің өзіндік ерекшелігі, тақырыпты ашу тереңдігі, бейнелілік, эмоционалдылық, экспрессивтілік және түс шешімдері. Комиссия отырысының негізінде бағалау парақтарына сәйкес үш жеңімпаз анықталды, – дейді Жанар Жандәулетова.

Оның айтуынша, байқау шарттары бойынша сурет сатиралық жанрда салынуы  тиіс болған. 

Облыстық ақпарат және қоғамдық даму басқармасының тапсырмасы бойынша ұйымдастырылған іс-шараның мақсаты –   жастар арасындағы құқықтық қаржылық сауаттылықты арттыру, құқық бұзушылықтардың алдын алу, алаяқтық пен қаржы пирамидаларына қарсы мәселеге қатысты берік ұстанымы бар, білімді, креативті ойлайтын жастарды тәрбиелеу.

Байқау нәтижесінде 1-орынды Диана Шомбаева, 2-орынды  Индира Байдолдинова және 3-орынды Айнұр Канленова иеленді.