Өрт шамамен 10 гектар аумақты қамтыды, деп хабарлайды @Pavlodarnews.kz тілшісі.

Облыстық Төтенше жағдайлар департаментінің баспасөз қызметінің мәліметінше, 18 шілде күні сағат 15:33-те Былқылдақ көлінің маңында, Павлодардың Солтүстік өнеркәсіптік аймағында шамамен 10 гектар құрғақ шөп пен қамыс өртенді. Өрт сөндіру жұмыстары кірме жолдардың жоқтығынан қиындық туғызды, өрт сөндіру техникасы жақындай алмады.

Өрт сөндірушілердің үйлесімді әрекеті арқасында өрт 17:36-да оқшауланып, толығымен жойылды. Оған ТЖД-нің 17 қызметкері мен 4 бірлік техникасы, сондай-ақ МЕӨСҚ-ның 3 қызметкері мен 1 техникасы жұмылдырылды.