Жәрмеңке 15 тамызда Jailau базарында өтеді, деп хабарлайды @Pavlodarnews.kz тілшісі.

Бұл туралы облыстық ауыл шаруашылығы басқармасы мәлімдеді.

— Мемлекет басшысының 2022 жылғы 5 қаңтардағы негізгі азық-түлік тауарларының бағасын тұрақтандыру жөніндегі тапсырмасына сәйкес Павлодар қаласында 15 тамызда ауыл шаруашылығы жәрмеңкесін өткізу жоспарлануда. Жәрмеңкеге Ақтоғай, Железин, Тереңкөл, Шарбакты, Павлодар аудандарының және Павлодар қаласының тауар өндірушілері қатысады, - делінген хабарламада.

Сенбі күні осындай жәрмеңкелер Екібастұз бен Ақсу қаласында, сондай-ақ облыстың 10 ауданында ұйымдастырылады. 

Облыс орталығындағы жәрмеңке Торговая көшесі, 2А құрылысындағы (Космонавтар және Торговая көшелерінің қиылысы) Jailau базарында өтеді.