Жыл басынан бері 891 зерттеу жүргізілді, деп хабарлайды @Pavlodarnews.kz.

Жедел-криминалистикалық бөлімшелер жасалған қылмыстарды тергеу үшін маңызы бар 1707 қол іздері мен 380-ден астам өзге іздер тәркіленді. Облыс криминалистері 14 зерттеуді полиграфты қолдана отырып жүргізді. Криминалистикалық есептерді пайдалана отырып, 100-ден астам қылмыс ашылды, 16 мүрденің жеке басы анықталды. 

– Қылмысты ашудың бір мысалы ретінде ұрлықты атап өтуге болады. Онда асханасының біріндегі қосалқы үй-жайдан ақша қаражаты мен банк карталары бар әмиян, сондай-ақ азық-түлік ұрланған. Оқиға орнын тексеру барысында саусақтардың іздері алынды. Криминалистикалық есепке алу бойынша тексеру кезінде ұрлыққа күдікті адам анықталды. Кейін ол тағы бірнеше ұрлық жасағанын мойындады, – деді облыстық полиция департаменті жедел-криминалистикалық басқармасы бастығының міндетін атқарушы Мират Ченемесов. 

«Заң және тәртіп» қағидаты ішкі істер органдарының азаматтардың қауіпсіздігін қамтамасыз етуге, қоғамдық тәртіп пен жол қауіпсіздігін қолдауға бағытталған қызметінің негізі болып қала береді. Құқық бұзушылар өз әрекеттері үшін міндетті түрде жауап береді.