@Pavlodarnews.kz тілшісі қолжетімді қызметтердің тізімін сұрастырып білді.

Республика бойынша Денсаулық сақтау министрлігінің бастамасымен емханалар базасында «Әйелдер консультациясы» бөлімшелері ашылуда.

Павлодар қаласының 5-ші қалалық емханасында әрбір әйел қолайлы жағдайда уақтылы, білікті және кешенді медициналық көмек ала алуы үшін жаңа бөлімше құрылды. 

– Әйелдер денсаулығы - ұлт денсаулығының негізі. Біз қазір жоғары деңгейде көмек көрсетуге мүмкіндік беретін заманауи және жақсы жабдықталған әйелдер консультациясы бар екеніне қуаныштымыз, — деп атап өтті емхана дәрігері.

Әйелдер консультациясында келесі қызметтер қолжетімді:

• жүктілікті қадағалап-қарау және барлық мерзімде бақылау;
• профилактикалық қарап-тексерулер және диспансерлеу;
• гинекологиялық ауруларды диагностикалау, емдеу және бақылау;
• балалар мен жасөспірімдер гинекологының қабылдауы;
• отбасын жоспарлау және репродуктивтік денсаулық мәселелері бойынша консультация беру.

Консультацияны құру - бұл біздің қаламыздағы әйелдерге медициналық көмек көрсету жүйесін дамытудағы маңызды қадам. Енді тұрғындар үйдің жанында барлық қажетті қызметтерді ала алады, бұл медициналық қолдаудың қолжетімділігі мен сапасын арттыруға мүмкіндік береді.