Өнім 100 пайыз сары майдан тұрады, деп хабарлайды @Pavlodarnews.kz тілшісі.

Облыстық кәсіпкерлер палатасының мәліметінше, «Бір ауыл – бір өнім» бағдарламасының финалисі гхи майын шығаратын «ЭКО-ПОЛЬЗА» жеке кәсіпкерлігі болды.

Бұл ЖК айтуынша, гхи майы 8-12 сағат бойы баяу отта пісіру арқылы дайындалады. Осы уақыт ішінде көбік майдың бетінен қолмен алынады. Нәтижесінде лактоза, казеин, сиыр сүтінің ақуызы, қоспалар мен судан тазартылған өнім пайда болады.

– Біз екі әпкеміз, екі анамыз, отбасыларының денсаулығына қамқорлық жасап, үйде гхи майын дайындадық, достарымызға сыйға тарттық. Осылайша, барлық әйелдерді денсаулыққа зиян келтірместен тамақ дайындауға болатын осы ерекше өніммен таныстыру идеясы пайда болды, – дейді Ирина Ткаченко мен Ксения Пугачева.

Олардың айтуынша, өнім 100 пайыз сары майдан тұрады. Ол майлылығы 82,5 пайызды құрайтын фермалық майдан жасалған. Шикізатты Шарбақты ауданы Сахновка ауылынан сатып алады. Көлемі 200 грамм банканың бағасы – 2700 теңге, 400 грамм – 4300, 800 грамм – 7600 теңге. Қантсыз және жержаңғақ қосылған шоколадтың құны 2950 теңге, Прованс шөптерімен – 2900, ал ысталған паприкамен – 2900 теңге.

– Гхи майы бүкіл әлемде «сұйық алтын» деп аталады. Біздің өнім 100 пайыз табиғи. Біз тұрақтандырғыштарды, қоюландырғыштарды және басқа қоспаларды қолданбаймыз. Гхи майында транс майлар, лактоза, казеин, ақуыз, қоспалар жоқ. Ол қуыру кезінде канцерогендерді шығармайды, – дейді іскер әйел. 

Шығарылатын майдың бес түрі бар: классикалық, прованс шөптерімен, ысталған паприка, жержаңғақ қосылған шоколадты және қантсыз шоколадты. Өндірушілер шоколадты бәрі тұтына алу үшін қантсыз жасайды. 

Олардың өнімдері жыл бойы шығарылады. Ашылғаннан кейін майды он градус температурада алты ай сақтауға болады. Бұл ретте +20 температурада жарамдылық мерзімі бір жылды, төрт градус нөлден жоғары температурада – 36 айды құрайды.

Павлодар гхи майының калория мөлшері – 899 килокалория. Ол қолмен жасалады. Өнімді Павлодарда «ЭКО-ПОЛЬЗА», «Медовая лавка», «Золотой телёнок», «Всё для кондитеров» және «Эколатик» дүкендерінен сатып алуға болады.

Бүгінде бұл жоба құрал-жабдықтарды сатып алу үшін қаржыны қажет етеді.