Ол шетелдік ойыншыны жеңді, деп хабарлайды @Pavlodarnews.kz.

Алматыда өтіп жатқан балалар кубогының финалында тартыс шиеленісіп келеді. 12 желтоқсанға дейін 9–14 жас аралығындағы шахматшылар нокаут жүйесі бойынша ойнап, әр кезеңде екі классикалық партия өткізеді. Есеп тең болған жағдайда жеңімпаз рапид, блиц және «армагеддон» арқылы анықталады.

Қазақстан шахмат федерациясының мәліметінше, павлодарлық Кирилл Бабкин турнирдің басты сенсациясын жасады: алдымен 5-этап жеңімпазы Нұрислам Айнақұлды, кейін жалғыз шетелдік ойыншы Пайрави Кодириді жеңді. Ал оның 4-этаптың жеңімпазы Кодириға қарсы қойған жарқын мат комбинациясы – турнирдің ең әдемі сәттерінің бірі. 

Нәтижесінде жартылай финал жұптары анықталды: Ақылжан Мейірханұлы – Алтынбек Құсайын, Алдияр Жарас – Кирилл Бабкин.