Оқыту түрі – тегін, деп хабарлайды @Pavlodarnews.kz тілшісі.

С. Торайғыров атындағы облыстық кітапхана зейнеткерлерге арналған «Компьютерлік сауаттылық негіздері» атты тегін курс ұсынады.

Ұсынылған курс компьютермен жұмыс істеу үшін қажетті бағдарламаларды игеруге мүмкіндік береді. 

Аталмыш оқу компьютерлік тінтуір мен пернетақтаға ешқашан қол тигізбегендерге, компьютерді нөлден бастайтындарға арналған.

– Сабақтарда қатысушылар дербес компьютер негіздерін, яғни тінтуірмен, пернетақтамен, Word мәтіндік редакторымен, интернет желісінде жұмыс істеуге, қалталар құруды, ақпаратты электрондық тасымалдағыштарға сақтауды үйренеді, – деп жазылған хабарламада.

Айта кетейік, курсқа 32-34-77 нөмірі  немесе direct-ке жазу арқылы тіркелуге болады.