Облыс орталығында заманауи коммуникация технологияларына арналған республикалық семинар-тренинг өтуде, деп хабарлайды  @Рavlodarnews.kz.

Екінші күннің бас спикері Қазақстан ұйғыр жастар одағының төрағасы, Қазақстан халқы Ассамблеясының мүшесі Рустам Қайыраев болды.

Оның айтуынша, этномәдени бірлестіктер жүргізген жұмыс туралы «не?, қайда?, қашан?» деген сияқты есеп стиліндегі ақпарат беру әдістері ескірген. 

–  Креатив барлық жерде, оның ішінде Қазақстан халқы Ассамблеясының жұмысында да қажет, –  деді дәріскер. –   Берілген әрбір ақпараттың тереңдігі мен эмоционалды бояуы болуы керек. Егер сіз оған барынша жаныңды салсаңыз, онда адам қандай да бір жылуды сезінеді және мұндай ақпаратты басқа адамдармен бөліскісі келеді. 

Сонымен қатар, Рустам Қайрыев Қазақстан халқы Ассамблеясының қоғам қайраткерлерін шенеунік терминдерден аулақ болуға және өз сөздеріне әзіл қосуға кеңес берді. Адамдар мұндай ақпаратты жақсы қабылдайды.

Қарағандыдан келген Дағыстан жастар бірлестігінің басшысы Мұса Рамазановтың айтуынша, бұл алған білім оған болашақта пайдалы болады.

– Біз іс жүзінде әлеуметтік желілерді қалай жүргізу керектігін, аудиторияны «көбейтуді», орталықтың өмірін одан да қызықты етуді, оны басқа адамдармен бөлісе білуді үйрендік, – дейді ол. – Павлодарда энергиямен қуаттанып, жаңа идеялар пайда болды. Үйге оралғанда ақын Расул Гамзатовтың шығармаларының шығармашылық байқауын ұйымдастырамыз. Менің ойымша, бұл керемет болады. 

Сәтбаевтан келген украин этномәдени бірлестігінің жетекшісі Оксана Жук семинарда көпшілік алдында сөйлеуді және дауысты «басқару» әдісін үйренгенін айтады.

– Кеуде дауысы – маңыздылық пен тыныштықтың белгісі, оны аудитория оңай қабылдайды, – дейді Оксана Жук. – Ал баяу сөйлеу – сенімділіктің белгісі. Кідірістерді сақтау, барлық сөздерді дұрыс айту маңызды.

Естеріңізге сала кетейік, еліміздің ҚХА өкілдері Павлодарда қарым-қатынас трендтерін үйретуде. Достық үйінде облыстық Қазақстан халқы Ассамблеясы мен ҚР Мәдениет және ақпарат министрлігінің «Қоғамдық келісім» қолдауымен екі күндік республикалық семинар-тренинг өтуде. Оған Ақмола, Жамбыл, Қарағанды, Қостанай, Солтүстік Қазақстан, Шығыс Қазақстан, Абай, Жетісу, Ұлытау облыстарының, сондай-ақ Астана мен Алматының Қазақстан халқы Ассамблеясының өкілдері қатысады.