Көктемнің соңғы айында үш мемлекеттік мереке атап өтіледі, деп хабарлайды @Pavlodarnews.kz.

eGov.kz сайтында жарияланған 2024 жылға арналған мерекелер күнтізбесі бойынша мерекелер аптаның ортасына келіп түседі, сондықтан тұрғындар бір күн демалса, келесі күні қайтадан жұмысқа шығады. 

«ҚР-дағы мерекелер туралы» Заңның 3-бабына сәйкес биыл мамырда қазақстандықтар үш мерекені атап өтеді:

• 1 мамыр (сәрсенбі) – Қазақстан халқының бірлігі күні;
• 7 мамыр (сейсенбі) – Отан қорғаушылар күні;
• 9 мамыр (бейсенбі) – Жеңіс күні;

Бес күн жұмыс істейтіндер үшін 1 мамыр – демалыс, ал 2, 3 мамыр – жұмыс күні, 4 және 5 мамыр – демалыс, 6 мамыр – жұмыс күні, 7 мамыр – демалыс, 8 мамыр – жұмыс күні, 9 мамыр – демалыс, 10 мамыр – жұмыс күні, 11 және 12 мамыр – кезекті демалыс күндері.

Алты күн жұмыс істейтіндерге арналған күнтізбе: 1 мамыр – демалыс, 2, 3, 4 мамыр – жұмыс күндері, 5 мамыр – демалыс, 6 мамыр – жұмыс күні, 7 мамыр – демалыс, 8 мамыр – жұмыс күні, 9 мамыр – демалыс, 10 және 11 мамыр –жұмыс күндер, 12 мамыр – демалыс.