Павлодарлықтар Наурызды қалай атап өтеді?

Мереке бір аптаға созылады, деп хабарлайды @Pavlodarnews.kz.

Мерекелік бағдарламаны бастайтын Чехов атындағы облыстық театрда демалыс күндері «Идиот» және «До третьих петухов» спектакльдерін көрсетеді, ал жексенбіде балаларға «Зайка-Зазнайка» ертегісі ұсынылады.

20 наурызда Байдала ауылында ұлттық спорт түрлері бойынша жарыстар өтеді, ал қалалық Әбусейітов атындағы мәдени-сауық орталығында зейнеткерлер үшін мерекелік демалыс кеші өткізіледі.

– Негізгі іс-шаралар 22 наурызға жоспарланған. Басты шара – «Биіктің ұлы мейрамым!». Қала тұрғындары мен қонақтарын Павлодардың орталық жағалауында сағат 11:00-де басталатын мерекелік бағдарламаны тамашалай алады, – деп хабарлады қалалық мәдениет бөлімінде.

Бұл күні концерттік бағдарламалар облыс орталығының шағын аудандары мен қала маңында ұйымдастырылады.

Мереке бағдарламасымен толығырақ мына жерден танысуға болады: