Ж. Аймауытов атындағы облыстық қазақ музыка-драма театры алдағы айдың репертуарын ұсынды, деп хабарлайды @Pavlodarnews.kz тілшісі.

Театрдың жаңа маусымы 1 ақпан күні сағат 17:00-де «Қымбатты Елена Сергеевна» психологиялық драмасымен (авторы – Л. Разумовская, режиссері – Ә. Ақанов) басталады. 

Өнерсүйер қауым 5 ақпан күні сағат 18:30-да «Ұждан» әфсанасын (авторы – Ш. Құдайбердіұлы, режиссері – А. Нығманов) , 6 ақпан күні сағат 12:00-де У – сана (авторы – С. Үсібәлі, режиссері – Ж. Садықов) ертегісін тамашалай алады. 

Театр ұжымы 7 ақпан күні Шарбақты  ауданына гастрольдік іссапармен барса, 8 ақпан күні Астана қаласының Қ. Қуанышбаев атындағы Қазақ ұлттық музыкалық драма театры жергілікті мәдениет ордасында өнер көрсетеді. Театр ұжымы бір күнде екі ерекше қойылым ұсынбақ: 12:00-де балаларға арналған «Ертегі түннің әуені» классикалық ертегілер жиынтығы және 19:00-де «Qalleki» театр лабораториясының «Кешкі 7» спектакль-концерті көрсетіледі. Ал, 12 ақпанда павлодарлық актерлер Ақсу қаласына гастрольдік іссапармен барады. 

Театр қауымы айдың екінші жартысында қала тұрғындары мен қонақтарын 15 қараша сағат 17:00-де «Кездесу мен қоштасу» психологиялық драмасымен (авторы – А. Володин, режиссері – Ә. Ақанов), 19 қараша сағат 18:30-да «Қара шекпен» әфсанасымен (авторы – Г. Хугаев, режиссері – Ә. Ақанов), 21 қараша сағат 16:00-де «Қызыл гүлдер» элегиясымен (авторы – Ж. Әліген, режиссері – Е. Қауланов), 26 қараша сағат 18:30-да «Балалық шаққа саяхат» драмасымен (авторы – Б. Соқпақбаев, режиссері – Ж. Садықов)  қуантады.

Телефон нөмірі: +7(7182)31-02-09.

Билеттерді +7(7182)62-27-57, +7(705)343-33-05 нөмірлері арқылы кассадан немесе онлайн түрде Ticketon.kz сайтынан сатып алуға болады.