Усолка шағын ауданында жаяу жүргіншілер көпірінің жабыны ауыстырылады
Бүгінгі таңда бұзылған тақтаны бөлшектеу жұмыстары басталды, деп хабарлайды @Pavlodarnews.kz.
Қала әкімі Хасар Хабылбеков жұмыс сапары барысында Усолка шағын ауданындағы Ертіс өзенінің үстінен өтетін жаяу жүргіншілер көпіріндегі жөндеу жұмыстарының барысымен танысты.
– Аталған көпір бойынша бұған дейін Усолка шағын ауданы тұрғындарынан өтініштер түскен болатын. Қазіргі уақытта қызметтер жарамсыз болып қалған террасалық тақтаны бөлшектеу жұмыстарына кірісті, – деді қала әкімі.
Бөлшектеу жұмыстары аяқталғаннан кейін көпірге тас төсеу жұмыстары жүргізіледі — бұл жаяу жүргіншілердің қозғалыс қауіпсіздігі мен жайлылығын арттыруға мүмкіндік береді.
Жөндеу жұмыстары 10 күн ішінде аяқталады деп көзделуде.
Посмотреть эту публикацию в Instagram
