50 жастағы тұрғын өрт кезінде зардап шеккен, деп хабарлайды @Pavlodarnews.kz.

Биыл 15 ақпан күні пәтерде өрт шығып, ер адам ауруханада бірақ есін  жиған. Сол кезде ғана арқасы мен аяғының 25% күйгенін білген. 

– Электр сымдарының тұйықталуы орын алған кезде үйде ұйықтап жатқан едім. Сол сәтте тұруға тырыстым, бірақ талып кетіп, күйіп  қалдым. Осымен екі рет өлім аузынан аман қалдым десе болады. Алдымен өрт сөндірушілер өрттің ішінен алып шықса, кейін дәрігерлер арқамды толығымен емдеп шықты, – деп еске алады екінші топтағы мүмкіндігі шектеулі азамат.

Ол екі ай бойы операциясыз емделіп, Астана биотехнология ғылыми-зерттеу институтынан жеткізілген жасанды теріні орнату бойынша ота жасалған.

– Бұл отадан кейін жақсы нәтиже күтеміз. Өйткені оның аяғының үштен бір бөлігі кесілгендіктен, теріні алатын донорлық учаскелер тапшылығы болды. 10 жылдан астам уақыт бұрын үсік шалған, – дейді № 1 Павлодар қалалық ауруханасы камбустиологиялық бөлімшесінің меңгерушісі Марат Қанжығалин.

Павлодарда тері трансплантациясы салыстырмалы түрде соңғы уақытта қолданылуда. Бір жарым жылда мұндай алты операция жасалған. Бұл жоғары технологиялық медициналық көмекке жатады, сондықтан қымбатқа шығады.  Сақтандырылған тұрғындар үшін мұндай операция МӘМС қоры есебінен  тегін жасалған.