Қазақстандық спортшы әйелдер күресінен Азия чемпионатында алтын медаль жеңіп алды
Жарыс Иорданияның Амман қаласында өтуде, деп хабарлайды olympic.kz тілшісі.
Жәмилә Бақбергенова Азия чемпионатында 72 келіге дейінгі салмақ дәрежесінде чемпион атанды.
Қазақстандық балуан финалдық бәсекеде Қытай спортшысы Юци Люден 4:1 есебімен басым түсті. Осылайша ол Азия чемпионатының төрт дүркін жеңімпазы атанды.
Айта кетейік, Қазақстан әйелдер құрамасы бұл чемпионатты екі жүлдемен аяқтады. Бұған дейін Зейнеп Баянова қола медаль иеленген болатын.
